శిథిలావస్థలో ఉన్న ఈ నిర్మాణం.. వందల సంవత్సరాల ఘన చరిత్ర ఉన్న జైన మందిరం. మహబూబ్‌నగర్‌ జిల్లా జడ్చర్ల మండలం అల్వాన్‌పల్లిలోని ఈ మందిరం స్థానికంగా గొల్లత్త గుడిగా ప్రసిద్ధికెక్కింది. దీని పూర్తి ఎత్తు 65 అడుగులు. దేశంలో ఇటుకలతో నిర్మించిన ఎత్తైన జైన దేవాలయాలలో ఇది ఒకటి. 12వ శతాబ్దంలో నిర్మించిన ఈ ఆలయం.. జైన మత కేంద్రంగా వర్ధిల్లినట్లు చారిత్రక ఆధారాలున్నాయి. రాష్ట్ర పురావస్తుశాఖ  చుట్టూ ఎనిమిది ఎకరాల విస్తీర్ణంలో ప్రహరీ నిర్మించి చేతులు దులిపేసుకుంది. ప్రస్తుతం ఆవరణ మొత్తం ముళ్ల కంపలు, పిచ్చిమొక్కలతో నిండిపోయింది.

- ఈనాడు, మహబూబ్‌నగర్‌